Бо мақсади дақиқтар фаҳмидани забони “англисии авиатсионӣ” муҳаққиқони Донишгоҳи авиатсионии Эмбри-Риддл (ERAU)-и ИМА системаи зеҳни сунъӣ (AI)-ро таҳия намуданд. Тибқи таҳиягарони донишгоҳи мазкур ҳангоми парвоз сарнишинон ва танзимгарони ҳаракати ҳавоӣ аз алоқаи радио истифода бурда бо забони англисӣ, ки забони асосии авиатсия мебошад, суҳбат менамоянд. Ҳангоми алоқа сифати пасти аудио, калимаҳои норавшан ё дигар омилҳо боиси нофаҳмоӣ гардида, мушкилиҳои гуногунро ба миён меорад. Дар идоракунии ҳаракати ҳавоӣ, раванди иртибот байни сарнишинон ва танзимгарони ҳаракати ҳавоӣ аз се марҳилаи асосӣ иборат аст: расонидани паём, такрор ва иҷро. Аз сабаби забони “англисии авиатсионӣ” забони англисӣ нест, балки як шакли хеле махсусгардонидашуда мебошад. Ин забони стандартишуда дорои луғати махсусгардонидашуда, фразеологияи аз ҷониби ICAO тасдиқшуда ва алифбои фонетикӣ (аксар вақт ҳамчун алифбои фонетикии НАТО номида мешавад) барои кафолат додани фаҳмидани паёмҳои интиқодӣ ҳам ҳангоми амалиёти муқаррарӣ ва ҳам дар ҳолати фавқулодда иборат аст. Системаи мазкур нутқро ба матн табдил дода, онро ба забони аслӣ табдил медиҳад. Ҳангоми таҳияи система, табдил додани сигналҳои аналогӣ ба маълумоти рақамӣ барои мутобиқ кардани системаи автоматии шинохти нутқ истифода бурда шуд, ки сатҳи хатогиҳои калимаро аз 80% то 15% коҳиш медиҳад.

***

Бо мақсади пешгирии мушкилӣ дар иқтидори истеҳсолии ҳавопаймо Маъмурияти федеролии авиатсияи ИМА (FAA) ва ширкати “Boeing” қабл аз истеҳсоли беш аз 38 адад ҳавопаймои 737 MAX-ро дар як моҳ нақшабандӣ менамоянд.

***

Дар натиҷаи ошкор гардидани мушкилӣ вобаста ба бехатарӣ дар фурудгоҳ, парвозҳои байналмилалӣ аз фурудгоҳи Нуук дар Гренландия ба муддати номуайян боздошта шудаанд.

***

Бо мақсади пешгирии ҳодисаҳо вобаста ба аз ҳудуди хати парвозу фуруд берун шудани ҳавопаймо ҳангоми фуруд дар Фурудгоҳи байналмилалии Филаделфия сатҳи нави муҳофизатӣ дар хати парвозу фуруд насб гардид. Технологияи инноватсионии мазкур бо маблағи умумии 8,5 миллион доллари ИМА бо маводҳои “Systems Engineered Materials Aircraft Abort Systems” насб гардида, барои пешгирии берун шудани ҳавопаймо аз хати парвоз мусоидат менамояд.

***

Аз 18-уми сентябри соли 2025 ширкати ҳавопаймоии Африқо “Air Cote d'Ivoire” аввалин хатсайри худро ба Аврупо оғоз менамояд. Ширкати ҳавопаймоӣ фурудгоҳи байналмилалии Феликс Ҳуфуэт-Бойнии Абидҷон ва фурудгоҳи Париж-Шарлз де Голлро мепайвандад. 

***

Бо мақсади мутобиқгардонии низоми бехатарии авиатсионии фурудгоҳҳои Ҷумҳурии Қазоқистон таҷрибаи нигоҳдории ашёи мусодирашуда аз мусофирон, ки барои ҳамлу нақли ҳавоӣ манъ шудааст, қатъ гардида, ҳама ашёҳо фавран пас аз санҷиш нобуд карда мешаванд. Бинобар ин аз мусофирон даъват ба амал оварда шудааст, ки пеш аз парвоз бо қоидаҳои интиқоли бор дар бағоҷ ва бағоҷи дастӣ бодиққат шинос шаванд.

***

Ширкати боркашонии Британия Кабир “One Air” аввалин ҳавопаймои боркашонӣ Boeing 777-ро муаррифӣ намуд, ки яке аз ду ҳавопаймои аз ҷониби шӯъбаи Air One International Holdings харидоришуда мебошад.

***

Ҷумҳурии Қазоқистон барои оғози парвозҳои мустақим ба Ню-Йорк дар соли 2026 омодагӣ мегирад. Чунин нақшаҳоро Кумитаи авиатсияи гражданӣ пас аз ҷаласаи омодагӣ ба аудити бехатарии авиатсионии ICAO эълон намуд. Аудит аз 2-юм то 14-уми сентябри соли 2025 идома меёбад.

***