Бегиҷонзода Лоиқ Бегиҷон (18.08.1975 с.т.)

Соли 2001 Донишкадаи соҳибкорӣ ва хизмати Ширкати давлатии молҳои истеъмоли халқ ва хизматрасонии Тоҷикистон  ва соли 2016 Донишгоҳи давлатии авиатсияи граждании ш.Санкт-Петербургро хатм карда, фаъолияти кориашро дар Вазорати амнияти Ҷумҳурии Тоҷикистон аз соли 1996 оғоз намудааст.

Дар системаи Авиатсияи граждании Ҷумҳурии Тоҷикистон соли 2006 ҳамчун менеҷери маркази идораи захираҳо фаъолияти кориашро оғоз намудааст. Аз соли 2009 то соли 2016 дар вазифаи муовини сардори хадамоти истеҳсолӣ-тиҷоратӣ, муовини директори генералии ҶСК «Фурудгоҳи байналмилалии Душанбе» фаъолият кардааст.

13 октябри соли 2016 бо Қарори Ҳукумати Ҷумҳурии Тоҷикистон ба вазифаи Директори генералии КВД «Тоҷикаэронавигатсия» таъин шудааст.

Муовини аввали директори генералӣ

Шодмонбекзода Даврон Шодмонбек (01.01.1985 с.т.)

Соли 2006 Академияи авиатсияи граждании ш. Алмато-ро бо ихтисоси “Идораи ҳаракати нақлиёти ҳавоӣ” хатм намуда, инчунин пас аз хатми муассисаи таълимии зикргардида, соли 2011 тахассуси “Ҳавонавард” дода шудааст.

Соли 2011 Донишгоҳи техникии Тоҷикистон ба номи М.С. Осимӣ бо ихтисоси “Ташкили мусофиркашонӣ ва идора дар нақлиёти ҳавоӣ”, соли 2014 Донишгоҳи славянии Русияву Тоҷикистон бо ихтисоси “Ҳуқуқшинос” ва соли 2018 Донишгоҳи давлатии ш. Кулоб ба номи А.Рӯдакиро бо ихтисоси “Идоракунии иҷтимоӣ” хатм намудааст.

Фаъолияти касбии худро аз соли 2006 оғоз намуда, то соли 2017 дар вазифаи танзимгари идораи ҳаракати ҳавоӣ, аз моҳи феврали соли 2017 то моҳи феврали соли 2018 дар вазифаи Сардори маркази танзими аэродромӣ ва аз моҳи феврали соли 2018 то моҳи декабри соли 2020 вазифаи сардори Раёсати хизматрасонии ҳаракати ҳавоӣ-ро ба ӯҳда дошт.

04 декабри соли 2020 бо қарори Ҳукумати Ҷумҳурии Тоҷикистон ба вазифаи Муовини аввали директори генералии КВД “Тоҷикаэронавигатсия” таъин гардид.

Саидзода Раҳимҷон Қурбон (13.03.1972 с.т.)

Соли 2013 Донишгоҳи техникии Тоҷикистон ба номи академик М.С. Осимӣ-ро хатм кардааст.

Дар системаи Авиатсияи граждании Ҷумҳурии Тоҷикистон соли 1997 ҳамчун техники алоқаи маҷмааи радиоалоқаи ХИТРА-и ШҲД «Тоҷикистон» фаъолияти кориашро оғоз намудааст. Солҳои 2007 - 2014 дар вазифаҳои муҳандиси радионавигатсия ва муҳандиси калони ХИТРА кор кардааст.

29 ноябри соли 2014 бо Қарори Ҳукумати Ҷумҳурии Тоҷикистон ба вазифаи Муовини директори генералии КВД «Тоҷикаэронавигатсия» таъин шудааст.

Аҳмадзода Зафар Аҳмад (14.12.1977 с.т.)

Соли 2001 Донишкадаи давлатию кооперативии тиҷорати Тоҷикистон, соли 2014 Донишгоҳи славянии Руссияву-Тоҷикистон  ва соли 2016 Донишгоҳи давлатии авиатсияи граждании ш.Санкт-Петербургро хатм карда, фаъолияти кориашро дар Вазорати амнияти Ҷумҳурии Тоҷикистон аз соли 1996 оғоз намудааст.

Дар системаи Авиатсияи граждании Ҷумҳурии Тоҷикистон соли 2010 ҳамчун менеҷер оиди боҷҳо дар фурудгоҳи Душанбе фаъолияти кориашро оғоз намудааст. Дар вазифаҳои намояндаи генералии ҶСК «Тоҷик Эйр» дар АМА, муовини сардори хадамоти истеҳсолӣ-тиҷоратии ҶСК «Фурудгоҳи байналмилалии Душанбе», иҷрокунандаи вазифаи сардори хадамоти истеҳсолӣ-тиҷоратии ҶСК «Фурудгоҳи байналмилалии Душанбе» фаъолият намудааст.

09 ноябри соли 2016 бо фармоиши директори генералӣ ба вазифаи роҳбари дастгоҳи директори генералии КВД «Тоҷикаэронавигатсия» таъин шудааст.