Агентии авиатсияи граждании назди Ҳукумати Ҷумҳурии Тоҷикистон
КОРХОНАИ ВОҲИДИ ДАВЛАТИИ "ТОҶИКАЭРОНАВИГАТСИЯ"

ҚАТАР БАРОИ ШАҲРВАНДОНИ ТОҶИКИСТОН РАВОДИДРО БЕКОР НАМУД

ҚАТАР БАРОИ ШАҲРВАНДОНИ ТОҶИКИСТОН РАВОДИДРО БЕКОР НАМУД
237

Чоп кардан

Давлати Қатар шаҳрвандони Тоҷикистонро ба рӯйхати шаҳрвандони  давлатҳое дохил менамояд, ки метавонанд бе раводид ба ин кишвар ворид шаванд. Тавре АМИТ «Ховар» иттилоъ медиҳад, тибқи маълумоти сомонаи расмии агентии сайёҳии ин кишвар «Visit Qatar», шумораи ин давлатҳо ба 102 мамлакат расидааст.

Тибқи ин қарор, шаҳрвандони Тоҷикистон метавонанд бе раводид ба Қатар ворид шуда, то 30 рӯз дар қаламрави он боқӣ монанд.

Сода намудани низоми раводид қисми муҳими стратегияи миллии рушди сайёҳӣ дар Қатар мебошад, ки ҳадафаш то соли 2030 ҳамасола ба беш аз 7 миллион нафар расонидани теъдоди сайёҳон мебошад.

Бояд гуфт, ки низоми 30-рӯзаи бе раводиди сафар барои шаҳрвандони давлати Қатар, ки хоҳиши дидани Ҷумҳурии Тоҷикистонро доранд, низ амал менамояд.

АКС аз манбаъҳои боз