Бегиҷонзода Лоиқ Бегиҷон (18.08.1975)

Хатмкунандаи Донишкадаи соҳибкорӣ ва хизмати Ширкати давлатии молҳои истеъмоли халқ ва хизматрасонии Тоҷикистон (1996-2001) ва Донишгоҳи давлатии авиятсияи граждании ш. Санкт-Петербург (2011-2016) мебошад.

Фаъолияти кории худро соли 1996 дар Вазорати амнияти Ҷумҳурии Тоҷикистон оғоз намудааст. Баъдан соли 2006 дар системаи Авиатсияи граждании Ҷумҳурии Тоҷикистон ҳамчун менеҷери маркази идораи захираҳо фаъолияташро идома дода дар давоми солҳои 2009 то 2016 дар ҶСК “Фурудгоҳи байналмилалии Душанбе” дар вазифаҳои муовини сардори хадамоти истеҳсолӣ-тиҷоратӣ ва муовини директори генералӣ кору фаъолият намудааст. 

13 октябри соли 2016 тибқи Қарори Ҳукумати Ҷумҳурии Тоҷикистон ба вазифаи Директори генералии КВД “Тоҷикаэронавигатсия” таъин шудааст.

Шодмонбекзода Даврон Шодмонбек (01.01.1985)

Академияи авиатсияи граждании ш. Алматоро бо ихтисоси “Идораи ҳаракати нақлиёти ҳавоӣ” соли 2006 хатм намуда, пас аз хатми муассисаи таълимии зикргардида, соли 2011 тахассуси “Ҳавонавард” дода шудааст.

Соли 2011 Донишгоҳи техникии Тоҷикистон ба номи академик М.С. Осимиро бо ихтисоси “Ташкили мусофиркашонӣ ва идора дар нақлиёти ҳавоӣ”, соли 2014 Донишгоҳи славянии Русияву Тоҷикистонро бо ихтисоси “Ҳуқуқшинос” ва соли 2018 Донишгоҳи давлатии ш. Кӯлоб ба номи А.Рӯдакиро бо ихтисоси “Идоракунии иҷтимоӣ” хатм намудааст.

Фаъолияти касбии худро аз соли 2006 оғоз намуда, то соли 2017 вазифаи танзимгари идораи ҳаракати ҳавоӣ, аз моҳи феврали соли 2017 то моҳи феврали соли 2018 вазифаи Сардори маркази танзими аэродромӣ ва аз моҳи феврали соли 2018 то моҳи декабри соли 2020 вазифаи сардори Раёсати хизматрасонии ҳаракати ҳавоиро ба ӯҳда дошт.

4 декабри соли 2020 бо қарори Ҳукумати Ҷумҳурии Тоҷикистон ба вазифаи Муовини аввали директори генералии КВД “Тоҷикаэронавигатсия” таъин гардид.

Саидзода Раҳимҷон Қурбон (13.03.1972)

Соли 2013 Донишгоҳи техникии Тоҷикистон ба номи академик М.С. Осимиро хатм намудааст.

Фаъолияти кориашро дар системаи Авиатсияи граждании Ҷумҳурии Тоҷикистон соли 1997 ҳамчун техники алоқаи маҷмааи радиоалоқаи ХИТРА-и ШҲД “Тоҷикистон” оғоз намудааст. Солҳои 2007 - 2014 дар вазифаҳои муҳандиси радионавигатсия ва муҳандиси калони ХИТРА кору фаъолият намудааст.

29 ноябри соли 2014 бо Қарори Ҳукумати Ҷумҳурии Тоҷикистон ба вазифаи Муовини директори генералии КВД “Тоҷикаэронавигатсия” таъин шудааст.

Аҳмадзода Зафар Аҳмад (14.12.1977)

Соли 2001 Донишкадаи давлатию кооперативии тиҷорати Тоҷикистон, соли 2014 Донишгоҳи славянии Руссияву-Тоҷикистон  ва соли 2016 Донишгоҳи давлатии авиатсияи граждании ш.Санкт-Петербургро хатм намуда.

Фаъолияти кории худро дар системаи Авиатсияи граждании Ҷумҳурии Тоҷикистон соли 2010 ҳамчун менеҷер оид ба боҷҳо дар фурудгоҳи Душанбе идома дода дар вазифаҳои намояндаи генералии ҶСК “Тоҷик Эйр” дар АМА, муовини сардори хадамоти истеҳсолӣ-тиҷоратии ҶСК “Фурудгоҳи байналмилалии Душанбе”, иҷрокунандаи вазифаи сардори хадамоти истеҳсолӣ-тиҷоратии ҶСК “Фурудгоҳи байналмилалии Душанбе” кору фаъолият намудааст.

9 ноябри соли 2016 бо фармоиши директори генералӣ ба вазифаи роҳбари дастгоҳи директори генералии КВД “Тоҷикаэронавигатсия” таъин шудааст.