ГУП «Таджикаэронавигация» - провайдер аэронавигационного обслуживания Республики Таджикистан

С международным днём Навруз!

С международным днём Навруз!

ҲАМВАТАНОНИ АЗИЗ!

Иҷозат фармоед дар арафаи бузургтарин иди миллатамон, ки дар арсаи ҷаҳонӣ ба шарофати иқдоми наҷиби Асосгузори сулҳу Ваҳдати миллӣ, Пешвои миллат, муҳтарам Эмомалӣ  Раҳмон боиси таҷлили умум гаштааст, Наврӯз оламафрӯз бо камоли ихлосмандиву эҳтиром якояки Шуморо самимона муборакбод намоям!

Наврӯзи имсола аз ибтидо башорати бузургеро муждагонӣ дода, солро барои меҳани азизамон бо тозакориҳо дар сохторҳои давлату ҳукумат ва, алалхусус, ғалабаи бе чуну чарои барномаи  ҳизбе, ки Пешвои муаззам, сарварӣ менамоянд, ба оламиён таҷаллӣ намуда, пештозии бунёдкориҳои беназир, садоқату пуштибонии халқамонро аз сиёсати пешгирифтаи Президенти Ҷумҳурии Тоҷикистон нишон дод. Итминони комили миллат ба нерӯву қудрати дурбинона ва ҳидояту раҳнамоиҳои бевоситаи Ҷаноби Олӣ сарчашмаи азими миллати шарафманду меҳнатқарини Тоҷикистони азиз дар самти фатҳи комёбиҳои шукӯҳи ҷаҳонидоштаи беназир ва татбиқи барномаи тақдирсози пешгузошта – саноатикунонии кишвар ва бо сари баланду ифтихорот амалӣ сохтани ҳадафҳои муҷаллои истиқболи арзандаи 30-солагии Истиқлол дар ҳама самтҳои фаъолият, бо боварии том метавон таъкид кард,   пурра матраҳу татбиқ гардида, обурӯву эътибори халқу миллати Ватани азизамонро дар арсаи ҷаҳонӣ боз ҳам болотар мебарад.

Бошад, ки Наврӯзи 2020  бароятон ибтидои тозаи пиёдашавии барномаҳои тақдирсоз, роҳандозиву пиёдашавии муваффақонаи ниёзҳо,  соли равнақи нуфузу шукӯҳмандии иқдомот, музаффарияту обурӯмандӣ аз созандагиҳои навини ватандорӣ, нишот аз ҳуввияти мутлақи бунёдкорӣ дар тамоми ҷанбаҳо, соли вусъати муносибатҳои созандаи тозакор, сулҳу салоҳ ва амну саъодати  рӯҳнавоз, баракату саховат дар тамоми ҷодаҳо бошаду орзуву омоли созандаи ҷоннисоронаатонро кушоишу салобати рӯзафзун арзонӣ дорад.

Наврӯзи зебои Ватанро бароятон табрику таҳният намуда, роҳати оилавӣ, комгории беҳудуд, иззату икроми воло, сарфарозии аъло аз татбиқи армонҳои некӯ, саодату саломат ва баракати беҳамторо таманно дорам.

НАВРӮЗАТОН ФИРӮЗУ ҲАР РӮЗАТОН НАВРӮЗ БОД!

Бо иззату таманниёти бардавом,

Директори генералии КВД

«Тоҷикаэронавигатсия»                                            Л.Б.Ашуров